మాజీ ఎమ్మెల్యే రేగా కాంతారావుపై లైంగిక వేధింపుల కేసు నమోదు

మాజీ ఎమ్మెల్యే రేగా కాంతారావుపై పంజాగుట్ట పోలీస్ స్టేషన్‌లో లైంగిక వేధింపుల కేసు నమోదైంది. ఈ నెల 25న ఓ మహిళ ఇచ్చిన ఫిర్యాదు ఆధారంగా పోలీసులు కేసు నమోదు చేశారు.

ఆ మహిళ తనపై పెళ్లి పేరుతో లైంగికంగా వేధించారని, రియల్ ఎస్టేట్‌లో పెట్టుబడి పేరుతో డబ్బులు తీసుకున్నారని ఆరోపించింది. తనకు తెలియకుండా ప్రైవేట్ వీడియోలు చిత్రీకరించారని కూడా ఫిర్యాదులో పేర్కొంది.

ఫిర్యాదు ఆధారంగా బీఎన్ఎస్ 69, 351 సెక్షన్ల కింద కేసు నమోదు చేసినట్లు పోలీసులు తెలిపారు. ప్రస్తుతం రేగా కాంతారావు హైదరాబాద్‌లోనే ఉన్నారు. ఈరోజు నాంపల్లి కోర్టులో కేటీఆర్ కేసు విచారణ సందర్భంగా ఆయన అక్కడ కనిపించారు.

ఈ కేసుపై రేగా కాంతారావు ఇంకా స్పందించలేదు. పోలీసులు దర్యాప్తు కొనసాగిస్తున్నారు.