షారుక్ ఖాన్ ‘కింగ్’ మ్యూజిక్ రైట్స్కు ₹50 కోట్ల ఆఫర్

షారుక్ ఖాన్ నటిస్తున్న ‘కింగ్’ సినిమా మ్యూజిక్ రైట్స్ కోసం ఒక ప్రముఖ సంస్థ ₹50 కోట్ల ఆఫర్ ఇచ్చినట్లు సమాచారం. సోనీ మ్యూజిక్, టీ-సిరీస్, సారేగామా వంటి టాప్ సంస్థల మధ్య పోటీ నెలకొనగా, ఒక సంస్థ ఈ భారీ ఆఫర్ ఇచ్చిందని వార్తలు వస్తున్నాయి. డీల్ కుదిరితే, ఇండియన్ సినిమా చరిత్రలో అత్యధిక మ్యూజిక్ రైట్స్ మొత్తమని ట్రేడ్ వర్గాలు అంటున్నాయి.

గతంలో, ‘రామాయణం’ సినిమా రెండు భాగాల మ్యూజిక్ రైట్స్ సుమారు ₹75 కోట్లకు అమ్ముడయ్యాయి. ‘ధురందర్’ సీక్వెల్కు కూడా భారీ మొత్తం లభించింది. ‘కింగ్’ ఈ స్థాయిలో నిలవడం విశేషం. ఈ సినిమాకు సచిన్-జిగర్ సంగీతం అందిస్తున్నారు. సిద్ధార్థ్ ఆనంద్ దర్శకత్వం వహిస్తున్న ఈ చిత్రంలో షారుక్ కుమార్తె సుహానా ఖాన్ కీలక పాత్రలో కనిపించనుంది.

నటుడు రాఘవ్ జూయల్ తాను ‘కింగ్’లో విలన్ కాదని, ముఖ్యమైన పాత్రలో ఉంటానని స్పష్టం చేశాడు. ఆయన నాని నటిస్తున్న ‘పారడైజ్’ ద్వారా టాలీవుడ్లోకి అడుగుపెడుతున్నాడు. చిత్రీకరణ దాదాపు పూర్తయి, కేవలం 15 రోజుల షూటింగ్ మాత్రం మిగిలి ఉందని చిత్రబృందం తెలిపింది. పోస్ట్ ప్రొడక్షన్ పనులు కూడా వేగంగా జరుగుతున్నాయి. ‘కింగ్’ డిసెంబర్ 24న క్రిస్మస్ సందర్భంగా ప్రపంచవ్యాప్తంగా విడుదల కానుంది.