షాహిద్ కపూర్ 'అశ్వత్థామ' సినిమా నిలిపివేత; కల్కి ప్రభావం కూడా కారణం

బాలీవుడ్ నటుడు షాహిద్ కపూర్ ప్రధాన పాత్రలో రూపొందాల్సిన 'అశ్వత్థామ – ది సాగా' సినిమా నిలిచిపోయింది. నిర్మాత జాకీ భగ్నానీ ఈ విషయాన్ని ప్రకటించారు.

ఈ సినిమా షూటింగ్ ఇకపై జరగదని నిర్మాత తెలిపారు. బడ్జెట్ భారీగా పెరగడం, విదేశాల్లో షూటింగ్ చేయాల్సి రావడం ప్రధాన కారణాలుగా చెప్పారు. ప్రభాస్ నటించిన 'కల్కి 2898 AD' కూడా ఈ ప్రాజెక్టుపై ప్రభావం చూపిందని ఆయన పేర్కొన్నారు.

ఈ కథను ముందుగా దర్శకుడు ఆదిత్య ధర్, విక్కీ కౌశల్తో తీయాలని భావించారు. ఆ ప్రాజెక్ట్ నిలిచిపోవడంతో షాహిద్ కపూర్తో తీసేందుకు నిర్మాత ప్రయత్నించారు. కన్నడ దర్శకుడు సచిన్ బి రవి దర్శకత్వంలో ఈ సినిమాను రూపొందిస్తున్నట్లు రెండేళ్ల క్రితం ప్రకటించారు.

తాజాగా దీన్ని పూర్తిగా నిలిపివేసినట్లు నిర్మాత స్పష్టం చేశారు.