షాహిద్ కపూర్ 'అశ్వద్ధామ' సినిమా ఆగిపోయినట్లు నిర్మాత జాకీ భగ్నాని ప్రకటన

బాలీవుడ్ నటుడు షాహిద్ కపూర్ నటించాల్సిన 'అశ్వద్ధామ: ది సాగా' సినిమా ప్రాజెక్ట్ నిలిచిపోయినట్లు నిర్మాత జాకీ భగ్నాని ప్రకటించారు.

కన్నడ దర్శకుడు సచిన్ బి రవి దర్శకత్వంలో రెండేళ్ల క్రితం ఈ ప్రాజెక్ట్ ప్రకటించారు. అయితే ఇప్పటివరకు సినిమా షూటింగ్ ప్రారంభం కాలేదు.

ప్రాజెక్ట్ ఆగిపోవడానికి పలు కారణాలు నిర్మాత తెలిపారు. బడ్జెట్ అంచనా కంటే పెరగడం, విదేశాల్లో షూటింగ్ ప్లాన్ ఒక కారణమని చెప్పారు. 'కల్కి 2898 AD' సినిమాలో అమితాబ్ బచ్చన్ పోషించిన అశ్వద్ధామ పాత్ర ప్రేక్షకులకు నచ్చడం కూడా తమ ప్రాజెక్ట్‌కు మైనస్ అయిందని జాకీ భగ్నాని తెలిపారు.

అదే కథను మళ్లీ చూపిస్తే ప్రేక్షకులు చూడరని ఆయన అభిప్రాయపడ్డారు. బడ్జెట్ కంటే కథలో కొత్తదనం ముఖ్యమని, కంటెంట్ లేకపోతే డబ్బు పెట్టడం వృథా అని అన్నారు. కొత్త కోణంలో కథను పునఃపరిశీలించాల్సిన నేపథ్యంలో ప్రాజెక్ట్ క్లోజ్ చేశారు.

ఇదిలా ఉండగా, ప్రభాస్ నటించిన 'కల్కి 2898 AD' సీక్వెల్ షూటింగ్ 60 శాతానికి పైగా పూర్తయింది. దర్శకుడు నాగ్ అశ్విన్ వచ్చే ఏడాది విడుదల ప్లాన్ చేస్తున్నారు.