తెలుగు రాష్ట్రాల్లో శాకాంబరి ఉత్సవాలు; ఆలయాల్లో కూరగాయల అలంకరణలతో ప్రత్యేక ఆకర్షణ

తెలుగు రాష్ట్రాల్లోని పలు దేవాలయాల్లో శాకాంబరి ఉత్సవాలు ఘనంగా జరిగాయి. ఆషాడ మాసం పురస్కరించుకుని అమ్మవారికి ప్రత్యేక కూరగాయల అలంకరణలతో భక్తులు పూజలు చేశారు.

సికింద్రాబాద్ ఉజ్జైని మహంకాళ ఆలయంలో 500 కిలోల కూరగాయలతో అమ్మవారిని శాకాంబరిగా అలంకరించారు. వరంగల్ భద్రకాళి ఆలయంలో శాకాంబరి నవరాత్రి ఉత్సవాలు వైభవంగా కొనసాగుతున్నాయి. కడప శ్రీ కన్యకా పరమేశ్వరి దేవి ఆలయంలో 21 రకాల కూరగాయలు, ఆకుకూరలతో అలంకరించి ప్రత్యేక పూజలు నిర్వహించారు.

వికారాబాద్ జిల్లా తాండూర్లోని వాసవి కన్యక పరమేశ్వరి అమ్మవారి ఆలయం, బోడుప్పల్ బంగారు మైసమ్మ ఆలయంలో కూడా కుంకుమార్చనలు, శాకాంబరి అలంకరణ సేవలు జరిగాయి. భక్తులు పెద్ద సంఖ్యలో పాల్గొని అమ్మవారి దర్శనం చేసుకున్నారు.