శంషాబాద్‌లో పటాకుల గోదాంపై రైడ్: ₹65,000 విలువైన సరుకు స్వాధీనం

శంషాబాద్‌లోని ఫ్యూచర్ సిటీ పరిసరాల్లో అక్రమంగా పటాకులు నిల్వ చేసిన గోదాంపై పోలీసులు దాడి చేశారు. పెద్దషాపూర్ పోలీస్ స్టేషన్ పరిధిలో ఈ దాడి జరిగింది.

నర్కుడ గ్రామంలోని అమ్మపల్లి దేవాలయం సమీపంలో ఉన్న విష్ణు ఫైర్‌వర్క్స్ గోదాంలో 2019 సంవత్సరానికి చెందిన గడువు ముగిసిన పటాకులు ఉన్నట్లు పోలీసులు గుర్తించారు. ఈ పాత స్టాక్‌ను గోదాంలో నిల్వ చేసి నగరంలో విక్రయిస్తున్నట్లు కూడా వెల్లడైంది.

గోదాంలో ఉన్న పటాకుల మొత్తం విలువ సుమారు ₹65,000 ఉంటుందని పోలీసులు తెలిపారు. భారీ మొత్తంలో ఫైర్‌క్రాకర్స్‌ను స్వాధీనం చేసుకున్నారు.

ఈ కేసులో గోదాం ఓనర్, మేనేజర్, సూపర్‌వైజర్‌పై కేసు నమోదు చేసినట్లు పోలీసులు పేర్కొన్నారు. దర్యాప్తు కొనసాగుతోంది.