సోషల్ మీడియా వీడియో చూసి నాటుకోళ్ల పెంపకం ప్రారంభించిన ములుగు జిల్లా షరీఫుద్దీన్

ములుగు జిల్లా వెంకటాపురం మండలానికి చెందిన షరీఫుద్దీన్ సోషల్ మీడియాలో నాటుకోళ్ల పెంపకం వీడియోలు చూసి ప్రేరణ పొందాడు. చికెన్ షాప్ నిర్వహిస్తున్న ఆయన, ఈ వ్యాపారాన్ని అదనపు ఆదాయ మార్గంగా ఎంచుకున్నారు.

తమిళనాడు నుంచి ఒక రోజు వయసున్న 500 నాటుకోడి పిల్లలను తెప్పించిన షరీఫుద్దీన్, ఒక్కో పిల్లకు ₹33 చెల్లించారు. ఇంటి వద్ద ప్రత్యేకంగా షెడ్ ఏర్పాటు చేసి వెలివేటెడ్ పద్ధతిలో వాటిని పెంచుతున్నారు.

ప్రస్తుతం ఈ కోళ్లు కిలో నుంచి కిలోన్నర బరువుకు చేరాయి. మార్కెట్లో నాటుకోళ్లకు కిలోకు ₹450 నుంచి ₹500 ధర ఉంది. ఇందులో మంచి లాభం ఉందని షరీఫుద్దీన్ తెలిపారు.

ఈ ప్రాంతంలో త్వరలో జాతరలు ప్రారంభం కానున్నందున నాటుకోళ్లకు డిమాండ్ మరింత పెరిగే అవకాశం ఉంది. దీంతో షెడ్ను విస్తరించి మరిన్ని పిల్లలను తీసుకురావాలని ఆయన ప్రణాళికలు సిద్ధం చేస్తున్నారు. దాదాపు 30 పిల్లలు మాత్రమే మరణించగా, మిగిలినవి అమ్మగలిగానని ఆయన చెప్పారు.