వందేమాతరం పూర్తి పాట పాడాలన్న కేంద్ర మార్గదర్శకాలపై శశిథరూర్ తీవ్ర విమర్శ

కాంగ్రెస్ ఎంపీ శశిథరూర్ కేంద్ర ప్రభుత్వం జారీ చేసిన 'వందేమాతరం' పూర్తి పాట పాడాలనే మార్గదర్శకాలపై తీవ్ర విమర్శలు చేశారు. ప్రభుత్వ కార్యక్రమాల్లో ఐదు చరణాలను పూర్తిగా, ప్రారంభంలో ఒకసారి ముగింపులో మరోసారి పాడాలనే ఈ సూచన ఆచరణలో ఇబ్బందికరమని ఆయన అభిప్రాయపడ్డారు. చాలా మందికి ఐదు చరణాల పదాలు తెలియవని, జాతీయ గీతం కంటే ఐదు రెట్లు పొడవుండటంతో ప్రజలు ఇబ్బందికరంగా నిలబడాల్సి వస్తుందని స్పష్టం చేశారు. స్వాతంత్ర్య పోరాటం నుంచి మొదటి చరణాన్ని మాత్రమే ఆలపించే సంప్రదాయాన్ని అనుసరిస్తున్నామని, ఈ సంప్రదాయాన్ని తాము గౌరవిస్తూనే ఉన్నామని తెలిపారు. కేరళ ప్రభుత్వం ఈ మార్గదర్శకాన్ని తప్పనిసరి కాదని, ఆచరణాత్మకం కాదని పాటించడం లేదని పేర్కొన్నారు. ఈ నిర్ణయం వెనుక బీజేపీ రాజకీయ ఎజెండా ఉందని థరూర్ ఆరోపించారు. కేంద్రం సూచన ప్రకారం ఢిల్లీలో తన పుస్తకావిష్కరణ సభలో ఐదు చరణాలు రెండు సార్లు పాడాల్సి వచ్చిందని ఉదాహరణగా తెలిపారు. ఈ వ్యాఖ్యలతో 'వందేమాతరం' వివాదం మళ్లీ తెరపైకి వచ్చింది.