బిగ్ బాస్ తెలుగు 10: సీరియల్ నటుడు శివకుమార్ ఎంట్రీపై సోషల్ మీడియాలో ఊహాగానాలు

బిగ్ బాస్ తెలుగు సీజన్ 10 త్వరలో గ్రాండ్ లాంచింగ్ కు సిద్ధమవుతోంది. సెప్టెంబర్ మొదటి వారంలో ఈ షో ప్రారంభమయ్యే అవకాశం ఉందని సమాచారం. ఈసారి ఈ షో తెలుగుతో పాటు తమిళం, హిందీ, కన్నడ, మలయాళం భాషల్లోనూ స్ట్రీమింగ్ కానుంది.

తొమ్మిది సీజన్లు విజయవంతంగా పూర్తి చేసుకున్న ఈ షో 10వ ల్యాండ్‌మార్క్ సీజన్ కోసం అట్టహాసంగా ఏర్పాట్లు జరుగుతున్నాయి. కామన్ కంటెస్టెంట్ల ఎంపిక కోసం అగ్ని పరీక్ష సీజన్ 2 కూడా కొనసాగుతోంది.

ఈ క్రమంలో సోషల్ మీడియాలో పలు పేర్లు వినిపిస్తున్నాయి. పల్లవి గౌడ, తేజస్విని గౌడ, ఎక్స్‌ప్రెస్ హరి, జబర్దస్త్ నూకరాజు, రాకింగ్ రాకేష్, ఆట సందీప్, వైఫ్ జ్యోతి వంటి వారితో పాటు నందుస్ వరల్డ్, రాయల్ ఎంసి రమణ, శివ్ ఆటిట్యూడ్ స్టార్ చంద్రహాస్, కడలి సత్యనారాయణ లాంటి ఇన్ఫ్లుయన్సర్లు, యూట్యూబర్లు కూడా రూమర్స్ లో ఉన్నారు.

వీరందరి మధ్య మౌనరాగం, నిన్ను కోరి సీరియల్స్ తో ప్రాచుర్యం పొందిన నటుడు శివకుమార్ పేరు ప్రముఖంగా వినిపిస్తోంది. ఆయనకు సోషల్ మీడియాలో మంచి ఫాలోయింగ్ ఉంది. శివకుమార్ ప్రియురాలు ప్రియాంక జైన్ గతంలో బిగ్ బాస్ సీజన్ 7 లో కంటెస్టెంట్‌గా పాల్గొని టాప్-5 వరకు వచ్చింది. ఈ నేపథ్యంలో శివకుమార్ కూడా బిగ్ బాస్ లోకి రావచ్చనే ప్రచారం సాగుతోంది. అయితే అధికారిక ప్రకటన రావాల్సి ఉంది.