వీబీ జీ రామ్ జీ పథకం అమల్లోకి: కేంద్ర మంత్రి శివరాజ్ సింగ్ చౌహాన్ ప్రకటన

వికసిత్ భారత్ గ్రామ రామ్ జీ (వీబీ జీ రామ్ జీ) పథకం దేశవ్యాప్తంగా అమల్లోకి వచ్చిందని కేంద్ర గ్రామీణాభివృద్ధి మంత్రి శివరాజ్ సింగ్ చౌహాన్ ప్రకటించారు.

మనరేగా స్థానంలో ఈ కొత్త పథకం తీసుకువచ్చినట్లు తెలిపారు. కార్మికులు డిమాండ్ చేస్తే 125 రోజుల ఉపాధి కల్పిస్తామని ఆయన వివరించారు. కేంద్రం ఈ ఏడాది రూ.95,600 కోట్లు కేటాయించగా, రాష్ట్రాల వాటాతో కలిపి మొత్తం నిధుల విలువ రూ.1,51,282 కోట్లకు చేరుతుందని చెప్పారు.

జార్ఖండ్ మినహా అన్ని రాష్ట్రాలు ఇప్పటికే బడ్జెట్లో కేటాయింపులు చేశాయని, జార్ఖండ్ కూడా త్వరలో నిధులు కేటాయిస్తుందని హామీ ఇచ్చిందని మంత్రి పేర్కొన్నారు. పథకం నిర్వహణ పూర్తిగా గ్రామ పంచాయతీలకు అప్పగించనున్నారు. గ్రామస్తులే తమ గ్రామంలో ఏ పనులు చేయాలో నిర్ణయిస్తారని, వికేంద్రీకృత పద్ధతిలో అమలు చేస్తామని ఆయన తెలిపారు.

ఈ పథకం ప్రారంభించినందుకు ప్రధాని మోదీకి కృతజ్ఞతలు తెలియజేశారు.