నటుడు శ్రవణ్ రెడ్డి: మా ఇంట్లో సినిమా గురించి చర్చ ఉండదు, నటనే నా లక్ష్యం

నటుడు శ్రవణ్ రెడ్డి ఒక ఇంటర్వ్యూలో మాట్లాడుతూ, తాను నటుడు కాకపోయుంటే క్రికెట్ కెరీర్ లేదా చరిత్ర అధ్యయనం వైపు వెళ్లేవాడినని చెప్పారు. ఆయన తన కుటుంబం పూర్తిగా సినిమా నేపథ్యం లేనిదని, తన ఇంట్లో సినిమాల గురించి ఎలాంటి చర్చ ఉండదని తెలిపారు.

తొలి రోజుల్లో స్పోర్ట్స్‌లో యాక్టివ్‌గా ఉన్న శ్రవణ్, ప్రొఫెషనల్ క్రికెట్ ఆడినట్టు చెప్పారు. కానీ కొద్దిగా నటన వైపు మొగ్గు చూపిన తర్వాత ఈ రంగంలో మంచి పని చేయాలనుకుంటున్నట్టు చెప్పారు. నటనకు చాలా రీసెర్చ్, చదువు, అవగాహన అవసరమని, తాను నాన్ ఫిక్షన్ పుస్తకాలు చదవడం ఇష్టపడతానని తెలిపారు.

కుటుంబం విషయంలో మాట్లాడుతూ, 'మా ఇంట్లో సినిమాలు చూడమనే కల్చర్ లేదు. నా పని గురించి దాదాపు చర్చ ఉండదు. వాళ్లు సింపుల్ పీపుల్, జీవితంలో చదువు, సంపాదన, ఆరోగ్యం ముఖ్యమనుకుంటారు' అని శ్రవణ్ వివరించారు. ప్రస్తుతం శ్రవణ్ రెడ్డి 'అగధ' చిత్రంతో ప్రేక్షకుల ముందుకు రానున్నారు.