చిన్న, మధ్య తరహా రొయ్యల రైతులకు 5 ఏళ్ల కార్యాచరణ ప్రణాళిక

శ్రీకాకుళం, కృష్ణా, గోదావరి డెల్టా ప్రాంతాల్లో చిన్న, మధ్యతరహా రొయ్యల రైతుల అభివృద్ధి కోసం తొలిసారిగా ఐదేళ్ల కార్యాచరణ ప్రణాళిక రూపొందించారు. షింట్ ప్రోగ్రాం అడ్వైజరీ కమిటీ ఈ ప్రణాళికను సిద్ధం చేసింది. రైతులు, పరిశ్రమ ప్రతినిధులు, ప్రభుత్వ అధికారులతో కలిపి 280 మంది భాగస్వామ్యంతో ఈ ప్రణాళిక రూపొందించినట్లు కమిటీ తెలిపింది.

రొయ్యల పరిశ్రమ ప్రస్తుతం ఎదుర్కొంటున్న సవాలు నుంచి బయటపడి స్థిరమైన అభివృద్ధి సాధించే లక్ష్యంతో 'మన రొయ్య, మన భూమి, మన నీరు' కార్యక్రమం అమలుపై చర్చించారు. కృష్ణా గోదావరి డెల్టా పరిధిలోని ఆరు మండలాల్లో రైతులు, అధికారులు, ఇతర వాటాదారులతో విస్తృత స్థాయి సమావేశాలు నిర్వహించారు.

ఈ ప్రణాళిక మూడు ప్రధాన సమస్యలపై దృష్టి సారించింది. నీటి నాణ్యత, పరిమాణం మెరుగుపరచడం, రైతుకు గిట్టుబాటు ధర లభించేలా చేయడం, చేప పిల్లలకు వ్యాధులు రాకుండా కాపాడటం. గ్రామ స్థాయి నుంచి జిల్లా స్థాయి వరకు రైతులు, మహిళలు, యువతతో చర్చలు జరిపి సమస్యలను గుర్తించారు. సాంకేతికత సాయంతో రైతులకు పంట విజయం సాధించేలా చేయడమే లక్ష్యమని కమిటీ పేర్కొంది.

ప్రస్తుతం రొయ్యల సాగులో నీటి సమస్య వల్ల ఉత్పత్తి తగ్గుతోంది. మంచి నీరు, నాణ్యమైన భూమి ద్వారా రైతుకు లాభాలు చేకూర్చడంతో పాటు ఎగుమతి సామర్థ్యం పెంచడం ఈ ప్రణాళిక ముఖ్య ఉద్దేశం. దీర్ఘకాలంలో పరిశ్రమను నిలబెట్టేందుకు కేంద్ర ప్రభుత్వంతో చర్చలు కూడా అవసరమని కమిటీ సూచించింది.