బెంగళూరులో లివింగ్ రిలేషన్ వద్దన్న తల్లిదండ్రులు, సోదరిని హత్య చేసిన యువతి

బెంగళూరు: జూన్ 23 నాడు ఒక యువతి తన తల్లి, తండ్రి, చెల్లెలిని కత్తితో పొడిచి హత్య చేసినట్లు పోలీసులు తెలిపారు. స్వేతా అనే ఆ యువతి తన ప్రియుడు కెన్నెత్‌తో కలిసి ఈ దాడి చేసినట్లు విచారణలో వెల్లడైంది.

పోలీసుల ప్రాథమిక విచారణ ప్రకారం, లివింగ్ రిలేషన్ కొనసాగించడాన్ని తల్లిదండ్రులు వ్యతిరేకించడంతో పాటు, ఆమెపై 30 లక్షల రూపాయల అప్పు ఉన్న విషయాన్ని ప్రశ్నించడంతో ఈ ఘటన జరిగింది. తల్లిదండ్రులను చంపితే ఆస్తి అంతా తనకు వస్తుందన్న ఉద్దేశంతోనే స్వేతా, కెన్నెత్ కలిసి ముందస్తు ప్రణాళిక ప్రకారం ఈ హత్యలు చేసినట్లు పోలీసులు అనుమానిస్తున్నారు.

ఘటన వివరాల ప్రకారం, స్వేతా, కెన్నెత్ ఇంటికి వచ్చిన సమయంలో తల్లి ముత్తులక్ష్మి (45) ఒంటరిగా ఉన్నారు. డబ్బు, నగదు విషయంలో గొడవ జరిగి, స్వేతా వంటగదిలోని కత్తితో తల్లిపై దాడి చేసి చంపేసింది. అనంతరం తండ్రి, చెల్లెలు సుప్రియ (20) లోపలికి రాగా వారిపై కూడా దాడి జరిపింది. తండ్రి గాయాలతో బయటకు పరుగెత్తినా, కొద్ది దూరంలో మృతి చెందారు. సుప్రియ సంఘటన స్థలంలోనే కుప్పకూలి చనిపోయారు. స్థానికులు ఈ ఘటనను చూశారని, నిందితులు అక్కడి నుంచి పారిపోయారని పోలీసులు తెలిపారు.

ప్రస్తుతం కేసు నమోదు చేసుకున్న పోలీసులు, ఒక వ్యక్తిని అదుపులోకి తీసుకుని విచారించి, మిగతా నిందితుల కోసం గాలింపు చర్యలు చేపట్టారు.