కర్ణాటక నూతన ముఖ్యమంత్రి ఎంపికపై చర్చలకు సిద్దరామయ్య, DK శివకుమార్ ఢిల్లీకి

కర్ణాటక ముఖ్యమంత్రి పదవికి రాజీనామా చేసిన సిద్దరామయ్య ప్రత్యేక విమానంలో ఢిల్లీకి బయలుదేరారు. డిప్యూటీ CM DK శివకుమార్ కూడా రాత్రి 7:30 గంటలకు ఢిల్లీకి వెళ్లారు.

ఢిల్లీలో భారీ గాలివాన కారణంగా సిద్దరామయ్య విమానం రాజస్థాన్‌లోని జైపూర్ విమానాశ్రయంలో అత్యవసరంగా దిగింది. వాతావరణం అనుకూలించిన తర్వాత ఢిల్లీకి ప్రయాణం కొనసాగుతుందని తెలిసింది. విమానంలో కాంగ్రెస్ ఇంచార్జ్ రణదీప్ సింగ్ సుర్జేవాలా పలువురు MLAలతో పాటు ఉన్నారు.

కొత్త మంత్రివర్గం ఏర్పాటు, CLP సమావేశం తేదీ, KPCC అధ్యక్షుడి ఎంపికపై ఇరువురు కాంగ్రెస్ అధిష్టానంతో చర్చించే అవకాశం ఉందని కాంగ్రెస్ వర్గాలు తెలిపాయి. CLP సమావేశంలో కొత్త ముఖ్యమంత్రిని ఎన్నుకుంటారని పార్టీ వర్గాలు పేర్కొన్నాయి.

సిద్దరామయ్య రాష్ట్ర రాజకీయాల్లోనే కొనసాగుతానని, జాతీయ రాజకీయాల్లో చేరే ఆసక్తి లేదని స్పష్టం చేశారు. Rajya Sabha సీటు, కాంగ్రెస్ జాతీయ కమిటీలో పదవి అందజేస్తామని అధిష్టానం ఆఫర్ ఇచ్చినా ఆయన తిరస్కరించారు. CM పదవి వదిలిపెట్టినా MLA గానే ఉంటానని ప్రకటించారు.