సిద్దిపేట: నెల రోజులైనా ధాన్యం కొనుగోలు చేయడం లేదని రైతుల ఆవేదన

సిద్దిపేట జిల్లాలో ధాన్యం కొనుగోలు ఆలస్యమవుతోంది. మార్కెట్ యార్డుకు ధాన్యం తీసుకొచ్చి నెల రోజులు దాటినా ప్రభుత్వం కొనుగోలు చేయడం లేదని రైతులు చెప్తున్నారు.

లింగాపూర్ వాసి ఒక రైతు గత నెల 3వ తేదీన ధాన్యం తీసుకొచ్చారు. నెల రోజులు దాటినా ధాన్యం కొనడం లేదని ఆయన తెలిపారు. క్వింటాల్‌కు ₹2,000 నష్టానికి బయట అమ్ముకోవాల్సిన పరిస్థితి వస్తోందని చెప్పారు.

ప్రభుత్వం దగ్గర గని బ్యాగులు లేకపోవడంతో రైతులు సొంత డబ్బులతో బ్యాగులు కొనుకుంటున్నారు. మొక్కజొన్న సేకరించి రెండు నెలలు గడిచినా బకాయలు చెల్లించలేదని కూడా రైతులు అంటున్నారు.

ధాన్యం కొనుగోలు చేయాలని రైతులు ధర్నాలు చేశారు. అయినా స్పందన రాలేదని వారు చెప్తున్నారు. ప్రభుత్వం వెంటనే స్పందించి తమకు న్యాయం చేయాలని రైతులు కోరుతున్నారు.