మాజీ మంత్రి సీదిరి అప్పలరాజు కస్టడీ ముగిసింది

మాజీ మంత్రి సీదిరి అప్పలరాజు పోలీస్ కస్టడీ ముగిసింది. శ్రీకాకుళం జిల్లా కాశీబుగ్గ పోలీస్ స్టేషన్లో ఈరోజు ఉదయం 10 గంటల నుంచి సాయంత్రం 4 గంటల వరకు అప్పలరాజును కస్టడీలో ఉంచి విచారించారు.

కోర్టు అనుమతితో చేపట్టిన ఈ విచారణలో పోలీసులు ఆయన కుమారుడి యాక్సిడెంట్ కేసుకు సంబంధించిన అంశాలపై ప్రశ్నించారు. అనంతరం జైలు నిబంధనల ప్రకారం పలాసా ప్రభుత్వ ఆస్పత్రిలో వైద్య పరీక్షలు నిర్వహించి, పలాస కోర్టుకు హాజరుపరిచారు.

కోర్టు ఆదేశాల మేరకు అప్పలరాజును తిరిగి అంపోల్ జైలుకు తరలిస్తున్నారు. ఈ కేసులో ఆయనకు విధించిన 14 రోజుల రిమాండ్ రేపటితో ముగియనుంది. ఈ నేపథ్యంలో బెయిలు కోసం ఆయన తరపు న్యాయవాదులు రేపు కోర్టును ఆశ్రయించనున్నారు.

అప్పలరాజు కుమారుడికి జరిగిన రోడ్డు ప్రమాదం కేసులో సాక్షులు, ముద్దాయిలను ప్రభావితం చేసే ప్రయత్నం జరిగిందని పోలీసులు ఆరోపించాయి. ఈ నేపథ్యంలోనే అదనపు సెక్షన్ల కింద కేసు నమోదు చేసి, ఈ కస్టడీకి కోర్టు అనుమతి తీసుకున్నారు.