సింహాచలం గిరి ప్రదక్షిణ నేటి నుంచి – 32 కి.మీ. యాత్రకు ఏర్పాట్లు

విశాఖపట్నం: సింహాచలం గిరి ప్రదక్షిణ నేడు ప్రారంభమైంది. 32 కిలోమీటర్ల మేర జరిగే ఈ ఆధ్యాత్మిక యాత్రకు 7 లక్షల మందికి పైగా భక్తులు హాజరవుతున్నారు.

GVMC కమిషనర్ కేతన్ గార్గ్ మాట్లాడుతూ, ఈసారి ఎకో ఫ్రెండ్లీ థీమ్‌తో గిరి ప్రదక్షిణ నిర్వహిస్తున్నామని తెలిపారు. సింగిల్ యూస్ ప్లాస్టిక్‌పై పూర్తి నిషేధం విధించారు. ఆహారం, మంచినీటి పంపిణీలో కూడా ప్లాస్టిక్ వాడకూడదని స్పష్టం చేశారు. శానిటేషన్‌పై ప్రత్యేక దృష్టి పెట్టామని, ఫీల్డ్ కంట్రోల్ రూమ్‌లతో పాటు మహిళా బృందాలు ఎన్ఫోర్స్‌మెంట్ కోసం ఏర్పాటు చేశామన్నారు.

భక్తుల సౌకర్యం కోసం తొలిసారిగా లుమినీ పార్క్‌లో 50 షవర్‌లు ఏర్పాటు చేస్తున్నారు. ఇందులో 30 షవర్‌లు ఇప్పటికే సిద్ధమయ్యాయి. మగ, ఆడవారికి వేర్వేరు స్పేస్‌లతో బాతింగ్, చేంజింగ్ రూమ్‌లు కూడా అందుబాటులో ఉంటాయి. AI అనలిటిక్స్ సాయంతో భక్తుల రద్దీని కంట్రోల్ రూమ్ నుంచి పర్యవేక్షిస్తున్నారు. ట్రాఫిక్ బారికేడింగ్ పాయింట్ల వద్ద CCTV కెమెరాలు ఏర్పాటు చేశారు.

భక్తులు గిరి ప్రదక్షిణలో సముద్ర స్నానాలు చేయడం సంప్రదాయంగా ఉంది. ఈసారి షవర్‌ల ఏర్పాటు ద్వారా ప్రమాదాలు, అసౌకర్యాలు నివారించే ప్రయత్నం చేస్తున్నామని కమిషనర్ తెలిపారు. భక్తులు సురక్షితంగా, పరిశుభ్రంగా యాత్ర పూర్తి చేసుకోవాలని కోరారు. ఈ యాత్ర రేపు కూడా కొనసాగుతుంది.