సింహాచలం ట్రస్ట్ బోర్డు తొలి సమావేశం: 32 అభివృద్ధి ప్రతిపాదనలకు ఆమోదం

సింహాచలం దేవస్థానం ట్రస్ట్ బోర్డు తొలి సమావేశం బుధవారం విశాఖపట్నంలోని కొత్త గోశాల ఆడిటోరియంలో జరిగింది.

చైర్మన్ అశోక్ గజపతిరాజు అధ్యక్షతన జరిగిన ఈ సమావేశంలో మొత్తం 43 అభివృద్ధి అంశాలపై చర్చించారు. ఇందులో 32 అంశాలకు బోర్డు సభ్యులు ఆమోదం తెలిపారు. మిగిలిన 11 అంశాలపై తదుపరి సమావేశంలో నిర్ణయం తీసుకోవాలని నిర్ణయించారు.

భక్తుల సౌకర్యాల కోసం ఆలయం నిర్మించిన కళ్యాణ మండపాలను తక్కువ ధరకు అందించాలని ప్రతిపాదించారు. సింహగిరిపై ప్రసాద్ పథకం పనులు పూర్తయ్యాయని చైర్మన్ తెలిపారు.

గూగుల్ డేటా సెంటర్ విషయంపై స్పందిస్తూ, దేవాదాయ చట్టం ప్రకారం ప్రభుత్వం తీసుకున్న నిర్ణయాన్ని తాము గౌరవిస్తామని, దీనిపై తమకు ఎలాంటి వ్యతిరేకత లేదని అశోక్ గజపతిరాజు స్పష్టం చేశారు. ప్రజా ప్రతినిధులు సింహాచలం దేవస్థానానికి కాంపెన్సేటరీ భూమి కోరినట్లు సమావేశంలో చర్చ జరిగింది.