సింగపూర్‌లో కోవిడ్ కేసులు మళ్లీ పెరుగుతున్నాయి — వారంలో 12,700 కేసులు

సింగపూర్‌లో కోవిడ్-19 కేసులు మళ్లీ పెరిగాయి. మే 10 నుండి 16 మధ్య కాలంలో 12,700 కొత్త కేసులు నమోదయ్యాయి. అంతకు ముందు వారంతో పోలిస్తే 4,700 కేసులు అదనంగా పెరిగాయని సింగపూర్ Communicable Diseases Agency (CDA) తెలిపింది.

సగటు రోజువారీ hospitalization సంఖ్య 56 నుండి 73కు పెరిగింది. ICU లో చేరుతున్న వారి సంఖ్య మాత్రం చాలా తక్కువగా ఉందని, రోజుకు సగటున ఒక రోగి మాత్రమే ICU లో ఉన్నారని CDA వివరించింది.

ప్రస్తుతం సింగపూర్‌లో NB.1.8.1 అనే కొత్త sub-variant అత్యధికంగా వ్యాప్తి చెందుతోంది. స్థానికంగా సేకరించిన నమూనాల్లో సగానికి పైగా ఈ variant కేసులే ఉన్నాయి. అయితే ఇది మునుపటి variants కంటే ప్రమాదకరం కాదని, అందుబాటులో ఉన్న vaccines ఈ variant పై సమర్థవంతంగా పనిచేస్తున్నాయని డాక్టర్లు స్పష్టం చేశారు.

కేసులు పెరుగుతున్నప్పటికీ ఆందోళన చెందాల్సిన అవసరం లేదని CDA తెలిపింది. ఆసుపత్రులు పరిస్థితిని ఎదుర్కొనేందుకు సిద్ధంగా ఉన్నాయని కూడా పేర్కొంది.

వృద్ధులు, దీర్ఘకాలిక వ్యాధులు ఉన్నవారు, care homes లో నివసించేవారు, ఆరోగ్య సంరక్షణ సిబ్బంది booster dose వ్యాక్సిన్ సకాలంలో వేయించుకోవాలని ఆరోగ్య శాఖ అధికారులు సూచించారు. సాధారణ ప్రజలు వ్యక్తిగత పరిశుభ్రత పాటించాలని, అనారోగ్య లక్షణాలు ఉన్నప్పుడు mask ధరించాలని కోరారు.