నగరాలు భూమిలోకి కుంగిపోతున్నాయి: ఢిల్లీ, ముంబై, న్యూయార్క్‌లో land subsidence సమస్య

ప్రపంచవ్యాప్తంగా పలు మహానగరాలు ఏటా కొన్ని అంగుళాల మేర భూమిలోకి కుంగిపోతున్నాయి. NASA మరియు ISRO సంయుక్తంగా అభివృద్ధి చేసిన NISAR (NASA-ISRO Synthetic Aperture Radar) satellite పంపిన డేటా ఈ విషయాన్ని నిర్ధారిస్తోంది.

మెక్సికో సిటీ పరిస్థితి అత్యంత తీవ్రంగా ఉంది. ఆ నగరం ఏటా 35 సెంటీమీటర్లు అంటే 14 అంగుళాల మేర కుంగిపోతోంది. నగరానికి అవసరమైన 60 శాతం తాగునీరు భూగర్భం నుండే వస్తుంది. విపరీతమైన భూగర్భ జలాల వాడకం వల్ల భూమి కింద మట్టి పరలు కుప్పకూలిపోతున్నాయి. అక్కడి Angel of Independence విగ్రహం దిగువకు వెళ్ళిపోవడం వల్ల అధికారులు 14 మెట్లు అదనంగా నిర్మించాల్సి వచ్చింది.

న్యూయార్క్‌లో Empire State Building వంటి భారీ కట్టడాల బరువు వల్ల భూమి కుంగుతోంది. అంతేకాకుండా సముద్ర మట్టాలు పెరగడం వల్ల ఆ నగరానికి నీటిముప్పు ఉందని శాస్త్రవేత్తలు హెచ్చరిస్తున్నారు.

భారతదేశంలో ఢిల్లీ, ముంబై, చెన్నై, కోల్కత్తా, బెంగళూరు నగరాలు కూడా ఈ సమస్యను ఎదుర్కొంటున్నాయి. ఢిల్లీలో ఏటా రెండు అంగుళాల మేర భూమి కుంగిపోతోంది. అదుపులేని భూగర్భ జలాల వాడకమే ఇందుకు ప్రధాన కారణంగా నిపుణులు పేర్కొంటున్నారు. వర్షపు నీరు భూమిలోకి చేరే వేగం కంటే మనం నీటిని తోడే వేగం చాలా ఎక్కువగా ఉండటమే ఈ సమస్యకు మూలం.