SIR నమోదులో రెండు చోట్ల ఎన్‌రోల్ చేస్తే ఏడాది జైలు శిక్ష

స్పెషల్ సమ్మరీ రివిజన్ (SIR) నమోదు ప్రక్రియలో ఒక వ్యక్తి రెండు చోట్ల ఎన్‌రోల్‌మెంట్ ఫారం నింపితే ప్రజా ప్రాతినిధ్య చట్టం 1950 సెక్షన్ 31 ప్రకారం ఒక సంవత్సరం జైలు శిక్ష లేదా జరిమానా లేదా రెండూ విధించబడతాయని అధికారులు స్పష్టం చేశారు.

ఎన్యుమరేషన్ ఫారంలో మొత్తం ఐదు భాగాలు ఉంటాయి. మొదటి భాగంలో ఓటరు పేరు, EPIC నంబర్, చిరునామా ముందే నింపబడి వస్తాయి. అలాగే నియోజకవర్గం పేరు, నంబర్, పోలింగ్ స్టేషన్ వివరాలు కూడా ఉంటాయి.

మూడవ భాగంలో QR కోడ్ ఉంటుంది. ఇది ప్రతి ఓటరుకు విడిగా ప్రత్యేకంగా ఉంటుంది. ప్రస్తుత ఓటర్ జాబితాలో ఉన్న ఫోటో ముద్రించబడి వస్తుంది. దానితో పాటు తాజా ఫోటో అతికించడానికి స్థలం కూడా ఉంటుంది.

రెండవ భాగంలో గత SIR వివరాలు నింపాలి. ఆంధ్రప్రదేశ్‌కు సంబంధించి 2002 నాటి SIR వివరాలు నింపాలి. 2002 నాటి ఓటర్ జాబితాలో ఓటరు పేరు ఉంటే మొదటి బాక్స్‌లో నింపాలి. పేరు లేనట్లయితే తల్లిదండ్రులు లేదా తాతామామ వివరాలు రెండవ బాక్స్‌లో నింపవచ్చు. వేరే రాష్ట్రాలలో 2003, 2005 లేదా 2025-26లో SIR జరిగి ఉంటే ఆ వివరాలు నింపవచ్చు. ఈ రెండు బాక్సులు నింపలేకపోయినా ఆందోళన అవసరం లేదు.

మూడవ భాగంలో ఓటరు మొబైల్ నంబర్, ఆధార్ నంబర్ (ఐచ్ఛికం), తండ్రి పేరు, తండ్రి EPIC నంబర్, తల్లి పేరు, వివాహమైతే భాగస్వామి పేరు మరియు వారి EPIC నంబర్ వివరాలు నింపాలి.

నాల్గవ భాగం డిక్లరేషన్ పార్ట్. తాను గానీ తన కుటుంబ సభ్యులు గానీ మరే కాన్స్టిట్యూయెన్సీలో లేదా ఇదే కాన్స్టిట్యూయెన్సీలో రెండు చోట్ల ఎన్యుమరేషన్ ఫారం ఇవ్వలేదని, ఇది నేరమని తెలిసి ఉందని ఓటరు సంతకం చేయాలి. ఓటరు అందుబాటులో లేకుంటే కుటుంబంలోని పెద్ద వయసు సభ్యుడు సంతకం చేయవచ్చు. అలా చేసినప్పుడు ఓటరుతో సంబంధాన్ని బ్రాకెట్‌లో పేర్కొనాలి.

BLO అధికారి గత SIR వివరాలు ధృవీకరించి సంతకం చేస్తారు. తర్వాత ఒక కాపీ ఓటరుకు అక్నాలెడ్జ్‌మెంట్‌గా ఇస్తారు. ఎన్యుమరేషన్ ఫారం సంతకం చేసి ఇచ్చిన ప్రతి ఓటరు పేరు డ్రాఫ్ట్ ఓటర్ జాబితాలో తప్పనిసరిగా చేర్చబడుతుందని అధికారులు తెలిపారు.