ఏపీలో నేటి నుంచి ఎస్ఐఆర్ ప్రక్రియ; ఇంటింటికీ వెళ్లి ఓటర్ల వివరాల సేకరణ

ఏపీలో నేటి నుంచి ఎస్ఐఆర్ (సమ్మరీ రివిజన్ ఆఫ్ ఎన్రోల్మెంట్) ప్రక్రియ ప్రారంభమైంది. అర్హులైన ప్రతి ఒక్కరికీ ఓటు హక్కు కల్పించడం ఈ ప్రక్రియ ప్రధాన లక్ష్యం.

నేటి నుంచి జూలై 14 వరకు బూత్ స్థాయి అధికారులు, ఎన్నికల సిబ్బంది ప్రతి ఓటరు ఇంటికి వెళ్తారు. వారు ఓటర్ల వివరాలు సేకరించి ఎన్యూమరేషన్ ఫారాలు అందజేస్తారు. ఓటర్లు ఈ ఫారాలు పూర్తి చేసి తిరిగి సిబ్బందికి ఇవ్వాలి.

జూలై 21న ఓటర్ల డ్రాఫ్ట్ జాబితా విడుదల చేస్తారు. జూలై 21 నుంచి ఆగస్టు 20 వరకు ఈ ప్రాథమిక జాబితాపై అభ్యంతరాలు, తప్పుల సవరణలు, కొత్త ఓట్ల నమోదుకు నెల రోజుల అవకాశం ఉంటుంది.

అన్ని అభ్యంతరాల పరిశీలన అనంతరం సెప్టెంబర్ 22న తుది ఓటర్ల జాబితాను ప్రకటిస్తారు. ఉమ్మడి ఏపీలో 2002లో చివరిసారిగా ఇటువంటి సమగ్ర సవరణ జరిగింది. విభజిత ఏపీలో 24 ఏళ్ల తర్వాత ఇలాంటి ప్రక్రియ చేపట్టడం ఇదే తొలిసారి.

2002 నాటి ఓటర్ల జాబితాను ప్రతిపాదికగా తీసుకొని, ప్రస్తుతం ఏపీలో ఉన్న ఓటర్ల వివరాలను అధికారులు మ్యాపింగ్ చేస్తున్నారు. తెలంగాణలో కూడా ఈ నెల 25న ఎస్ఐఆర్ ప్రక్రియ ప్రారంభం కానుందని ఎన్నికల అధికారులు తెలిపారు.