మెదక్, హనుమకొండలో మహిళలకు ఉచిత శిక్షణ: తంజావూరు పెయింటింగ్, కుట్టు మిషన్ నేర్పిస్తున్న సంస్థలు

మెదక్ జిల్లాలో గ్రామీణ అభివృద్ధి సంఘం ఆధ్వర్యంలో మహిళలకు తంజావూరు పెయింటింగ్ శిక్షణ ఇస్తున్నారు. రెండు బ్యాచుల్లో 60 మంది మహిళలకు 20 రోజుల పాటు ఈ శిక్షణ ఇచ్చారు. శిక్షణ పూర్తయిన వారికి సర్టిఫికెట్లు కూడా అందజేశారు.

శిక్షణలో 3డి పద్ధతిలో దేవుళ్ల బొమ్మలు, ప్రకృతి అందాలు, క్యాన్వాస్, బట్టలపై పెయింటింగ్ చేయడం నేర్పించారు. మహిళలు కాన్వాస్, బ్లౌజులు, సారీలపై పెయింటింగ్ వేస్తున్నామని, దీని వల్ల ఉపాధి లభిస్తోందని చెప్పారు.

హనుమకొండలో స్కిల్ హబ్ పేరుతో మహిళలకు కుట్టు మిషన్, ఫుడ్ ప్రాసెసింగ్, బ్యూటీషియన్ శిక్షణ ఇస్తున్నారు. ఒక్కో బ్యాచ్‌కు 25 మంది చొప్పున ఇప్పటివరకు 300 మందికి శిక్షణ ఇచ్చారు. మూడు నెలల కోర్సులో బ్లౌజులు, ఫ్రాక్స్, కచ్ వర్క్ డిజైన్లు, హ్యాండ్ డిజైన్లు, నెక్ డిజైన్లు నేర్పిస్తున్నట్లు నిర్వాహకులు తెలిపారు.

శిక్షణ తీసుకుంటున్న మహిళలు ఇంట్లోనే పని నేర్చుకోవచ్చని, చిన్న బిజినెస్ ప్రారంభించే అవకాశం ఉందని అభిప్రాయపడ్డారు.