కృష్ణా జిల్లా ఈడేపల్లిలో సోడా సిలిండర్ లీక్: రెండు బైకులు, కారు దెబ్బతిన్నాయి

కృష్ణా జిల్లా ఈడేపల్లిలో అశ్విని ఎంటర్ప్రైజెస్ షాప్ ముందు సోడా సిలిండర్ లీకై ప్రమాదం జరిగింది.

లీకైన సిలిండర్ ఎగిరిపడటంతో రెండు బైకులు, ఒక కారు ధ్వంసమయ్యాయి. సమీపంలోని ఇంటి కిటికీలోంచి సిలిండర్ దూసుకెళ్లింది.

ప్రమాదం తీవ్రతకు స్థానికులు భయాందోళనకు గురయ్యారు. మిగతా సిలిండర్లు కూడా పేలే అవకాశం ఉందని ఫైర్ సేఫ్టీ విభాగానికి ఫోన్ చేశారు. ఫైర్ సిబ్బంది వచ్చి పరిస్థితిని అదుపులోకి తీసుకురావడంతో స్థానికులు ఊపిరి పీల్చుకున్నారు.

జనావాసాల మధ్య ఇలాంటి గ్యాస్ ఫిల్లింగ్ స్టేషన్లు ఉండటం ప్రమాదకరమని పేర్కొంటూ స్థానికులు నిరసన తెలిపారు. ప్రాణనష్టం జరగలేదు.