భీమవరంలో సాఫ్ట్‌వేర్ ఉద్యోగిని హత్య; ఆటో డ్రైవర్పై కేసు నమోదు

పశ్చిమ గోదావరి జిల్లా భీమవరం మండలం తాడేరు గ్రామంలో కొత్తపల్లి అనంతవాని అనే సాఫ్ట్వేర్ ఉద్యోగిని హత్యకు గురైంది. తాడేపల్లి సాంబాబు అనే ఆటో డ్రైవర్ ఈ హత్య చేసినట్టు పోలీసులు తెలిపారు.

పోలీసుల ప్రాథమిక దర్యాప్తులో, సాంబాబు వివాహితుడైనా అనంతవానితో వివాహేతర సంబంధం ఏర్పరచుకున్నాడు. ఇటీవల ఆమె అతడిని దూరం పెడుతుండటంతో కక్షతో ఈ నేరం చేసినట్టు అనుమానిస్తున్నారు.

మృతురాలి తండ్రి కొత్తపల్లి వెంకటేశ్వరరావు ఇచ్చిన ఫిర్యాదు మేరకు భీమవరం రూరల్ పోలీసులు కేసు నమోదు చేశారు. మృతదేహాన్ని పోస్ట్మార్టం కోసం భీమవరం ప్రభుత్వాసుపత్రికి తరలించారు. నిందితుడి కోసం గాలింపు ముమ్మరం చేశారు.