కృష్ణా నది వరదతో సోమశిల జలాశయం నిండుకుండ; పర్యాటకుల సందడి

నాగర్కర్నూల్ జిల్లా కొల్లాపూర్ మండలంలోని సోమశిల జలాశయం కృష్ణా నది వరద నీటితో నిండుకుండలా మారింది. ఎగువ ప్రాంతాల నుంచి భారీ వరద నీరు రావడంతో కృష్ణమ్మ రంగం మీద ఉరకలు వేస్తూ పరవళ్లు తొక్కుతోంది.

ఈ నేపథ్యంలో సోమశిల జలాశయం సరికొత్త అందాలు సంతరించుకుంది. చల్లని గాలులు, పచ్చని ప్రకృతి, నీటి ప్రవాహం సందర్శకులను విశేషంగా ఆకట్టుకుంటున్నాయి. ఈ అందాలను చూసేందుకు పెద్ద సంఖ్యలో పర్యాటకులు తరలి వస్తున్నారు.

వారు కుటుంబ సభ్యులు, స్నేహితులతో కలిసి ఫోటోలు, సెల్ఫీలు తీసుకుంటూ సందడి చేస్తున్నారు. దీంతో సోమశిల పరిసర ప్రాంతాలు పర్యాటకులతో కలకలలాడుతున్నాయి.