సౌత్ కోస్ట్ రైల్వే జోన్: విశాఖలో 600 మంది సిబ్బందితో కార్యకలాపాలు

సౌత్ కోస్ట్ రైల్వే జోన్ ప్రధాన కార్యాలయం విశాఖపట్నంలో కార్యకలాపాలు కొనసాగిస్తోంది. జూన్ 1న 400 మంది సిబ్బందితో ప్రారంభమైన ఈ జోన్‌లో ప్రస్తుతం 600 మంది పనిచేస్తున్నారని అధికారులు తెలిపారు. నెమ్మదిగా మరింత మంది చేరుతున్నారు.

బుల్లెట్ రైలు ప్రాజెక్టులు సౌత్ కోస్ట్ రైల్వే పరిధిలో లేవు. వాటికి ప్రత్యేకంగా సర్వేలు జరుగుతున్నాయి. అలైన్మెంట్ ఖరారైతేనే మార్గం తెలుస్తుందని అధికారులు వివరించారు.

విశాఖకు కొత్త రైళ్లు ఖచ్చితంగా వస్తాయని, ఏయే ప్రాంతాల నుంచి డిమాండ్ ఎక్కువగా ఉందో తెలుసుకునేందుకు సమాచార సేకరణ జరుగుతోందని జనరల్ మేనేజర్ తెలిపారు.