బాలీవుడ్ ప్రాజెక్టుల కోసం ముంబైలో ఇళ్లు కొంటున్న సౌత్ స్టార్స్

బాలీవుడ్‌లో అవకాశాలు పెంచుకోవడానికి దక్షిణాది సినీ తారలు ముంబైలో నివాసాలు కొనుగోలు చేస్తున్నారు. కన్నడ స్టార్ యష్ అలీబాగ్ సమీపంలో 24 కోట్ల రూపాయలతో బీచ్ వ్యూ ఉన్న స్థలం కొన్నారు. టాక్సిక్, రామాయణం వంటి సినిమాలతో ఆయన పూర్తిగా బాలీవుడ్ మార్కెట్‌పై దృష్టి పెట్టాలని నిర్ణయించుకున్నారు. రామ్ చరణ్ 2021లోనే కార్ ప్రాంతంలో సముద్ర తీరంలో 30 కోట్లతో ఒక లగ్జరీ పెంట్ హౌస్ కొనుగోలు చేశారు. ప్రభాస్ కూడా షూటింగ్స్, మీటింగ్స్ కోసం ముంబైలో ఒక విలాసవంతమైన నివాసాన్ని ఏర్పాటు చేసుకున్నారు. బాలీవుడ్ మేకర్స్ నుంచి తరచూ కథలు వింటున్న ప్రభాస్ అక్కడే శాశ్వత ఇల్లు సొంతం చేసుకున్నారు.

అల్లు అర్జున్ జుహూలోని ఒక 5 BHK అపార్ట్‌మెంట్‌లో నెలకు 16 లక్షల రూపాయల అద్దెతో ఉంటున్నారు. ఆయన రాకా సినిమా కోసం కొన్ని నెలలుగా ముంబైలోనే నివసిస్తున్నారు. మలయాళ నటుడు పృథ్విరాజ్ సుకుమారన్ బాంద్రా పాలీ హిల్‌లో 30.6 కోట్లతో డూప్లెక్స్ ఫ్లాట్ కొన్నారు. సమంత, రష్మిక వంటి నటీమణులు కూడా ముంబైలో ఇళ్లు కొనుగోలు చేశారు. దీంతో దక్షిణాది తారలు బాలీవుడ్‌లో పుంజుకోవడానికి ముంబైని రెండో ఇల్లుగా మార్చుకుంటున్నారనే సంకేతాలు కనిపిస్తున్నాయి.