అండమాన్‌కు నైరుతి రుతుపవనాలు రేపు చేరనున్నాయి; తెలంగాణలో Orange Alert

నైరుతి రుతుపవనాలు రేపు అండమాన్ నికోబార్ దీవులను తాకనున్నాయని వాతావరణ శాఖ తెలిపింది. సముద్ర మట్టానికి 4.5 కిలోమీటర్ల ఎత్తు వరకు తుఫాను వలయం విస్తరించి ఉందని అధికారులు చెప్పారు. ఇది రుతుపవనాల పురోగతికి దోహదపడుతుందని IMD అంచనా వేస్తోంది.

పశ్చిమ మధ్య బంగాళాఖాతంలో ఏర్పడిన అల్పపీడనం వల్ల తెలుగు రాష్ట్రాల్లో వాతావరణం మారనుంది. వచ్చే మూడు రోజులు ఉరుములు మెరుపులతో కూడిన భారీ వర్షాలు కురిసే అవకాశం ఉందని అధికారులు తెలిపారు.

తెలంగాణలో ఉత్తర జిల్లాలైన ఆదిలాబాద్, మంచిర్యాల, నిర్మల్, పెద్దపల్లి, కొమురంభీం ఆసిఫాబాద్, నిజామాబాద్, కామారెడ్డి, జగిత్యాల, సిరిసిల్ల, కరీంనగర్, ములుగు, భద్రాద్రి కొత్తగూడెం జిల్లాలతో పాటు హైదరాబాద్‌లో కొన్ని ప్రాంతాలకు Orange Alert జారీ చేశారు.

ఈ సీజన్‌లో గత 10 సంవత్సరాల్లో ఎన్నడూ లేని విధంగా 12 జిల్లాల్లో 45 నుండి 46 డిగ్రీల సెల్సియస్ వరకు గరిష్ట ఉష్ణోగ్రతలు నమోదయ్యాయి. సాధారణం కంటే 3 నుండి 5 డిగ్రీలు అధికంగా ఉష్ణోగ్రతలు నమోదయ్యాయని తెలిపారు.

మే 20 నుండి 25 మధ్య నైరుతి రుతుపవనాలు తెలంగాణలోకి ప్రవేశించే అవకాశం ఉందని వాతావరణ శాఖ అధికారులు తెలిపారు. అకాల వర్షాలు రైతాంగానికి నష్టం కలిగించే అవకాశం ఉందని వారు హెచ్చరించారు. పిడుగులు పడే సమయంలో జాగ్రత్తగా ఉండాలని అధికారులు సూచించారు.