నైరుతి ఋతుపవనాలు అండమాన్ తాకాయి — తెలంగాణకు జూన్ రెండో వారంలో వచ్చే అవకాశం

నైరుతి ఋతుపవనాలు అండమాన్ నికోబార్ దీవులను తాకాయని IMD వాతావరణ శాఖ సీనియర్ అధికారి ధర్మరాజ్ తెలిపారు. దక్షిణ బంగాళాఖాతం మరియు శ్రీ విజయపురం వరకు కూడా ఋతుపవనాలు విస్తరించాయని ఆయన పేర్కొన్నారు.

ఈ నెల మే 26 కల్లా కేరళ తీరాన్ని తాకే అవకాశం ఉందని అంచనా వేశారు. అయితే ఈ అంచనాలో నాలుగు రోజుల తేడా రావచ్చని కూడా తెలిపారు. గత సంవత్సరం 2025లో మే 24న ఋతుపవనాలు కేరళను తాకాయి.

కేరళను తాకిన తర్వాత నాలుగు నుండి ఐదు రోజుల్లో తెలంగాణకు వచ్చే అవకాశం ఉందని ధర్మరాజ్ చెప్పారు. ముందుగా ఆంధ్రప్రదేశ్ తీరాన్ని తాకి, ఆ తర్వాత తెలంగాణలోకి ఋతుపవనాలు ప్రవేశిస్తాయని తెలిపారు.

మొత్తంగా చూస్తే జూన్ రెండో వారంలో తెలంగాణకు ఋతుపవనాలు చేరే అవకాశం కనిపిస్తోంది. నైరుతి ఋతుపవనాలు జూన్ నుండి అక్టోబర్ మొదటి వారం వరకు 122 రోజుల పాటు ఉంటాయని అధికారులు వివరించారు.