శ్రావణ బుధవారం పాదరస విష్ణుమూర్తి అభిషేకం, తులసీదాస్ జయంతి మంత్రాలు

శ్రావణ మాసంలో వచ్చే బుధవారం పాదరస విష్ణుమూర్తి విగ్రహానికి ఆవుపాలతో అభిషేకం చేయడం విశేషమని భక్తులు విశ్వసిస్తున్నారు. ఈ ఆచారం వల్ల విద్య, ఉద్యోగం, వ్యాపార రంగాల్లో మంచి ఫలితాలు ఉంటాయని చెబుతున్నారు.

అదే రోజు తులసీదాస్ జయంతి కూడా వస్తోంది. తులసీదాస్ రామచరిత మానస గ్రంథాన్ని రచించారు. భవిష్య పురాణం ప్రకారం వాల్మీకి మహర్షే తులసీదాసుగా జన్మించారని భక్తుల నమ్మకం.

ఈ సందర్భంగా తులసీదాస్ ధ్యాన శ్లోకాన్ని, శ్రీరామచంద్ర మంత్రాన్ని జపించాలని పండితులు సూచిస్తున్నారు. అనారోగ్య సమస్యల నుంచి ఉపశమనం కోసం హనుమాన్ బాహుక్ శ్రవణం చేయాలని కూడా చెప్తున్నారు.