శ్రీశైలం ఆలయంలో భక్తుల రద్దీ.. శనివారం 49,189 మందికి దర్శనం

వరుస సెలవుల కారణంగా నంద్యాల జిల్లా శ్రీశైలం ఆలయానికి భక్తులు పోటెత్తారు. స్వామి అమ్మవార్ల దర్శనానికి సుమారు 5 గంటల సమయం పడుతోంది. ఆలయ ప్రాంగణం మొత్తం భక్తులతో నిండిపోయింది.

భక్తులు తెల్లవారుజాము నుంచే పాతాళ గంగలో పుణ్యస్నానాలు చేశారు. అనంతరం శ్రీ భ్రమరాంబ మల్లికార్జున స్వామి దర్శనానికి క్యూ లైన్లలో వెళ్లారు. దర్శన కంపార్ట్మెంట్లు నిండి, రద్దీ AP Tourism Hotel వరకు విస్తరించింది.

రద్దీ దృష్ట్యా ఆలయ ఈఓ శ్రీనివాసరావు ఆధ్వర్యంలో అధికారులు ప్రత్యేక చర్యలు తీసుకున్నారు. క్యూ లైన్లలోని భక్తులకు ఎప్పటికప్పుడు అల్పాహారం, పాలు, బిస్కెట్లు, మంచినీరు అందిస్తున్నారు.

శనివారం 49,189 మంది భక్తులు స్వామి అమ్మవార్లను దర్శించుకున్నారు.