హిందూపురంలో తప్పిపోయిన 4 ఏళ్ల బాలిక మృతదేహం చెరువులో లభ్యం

శ్రీ సత్యసాయి జిల్లా హిందూపురం రూరల్ మండలం బసవనపల్లిలో నాలుగేళ్ల బాలిక శ్రీవల్లి తప్పిపోయిన ఘటనలో మృతదేహం లభ్యమైంది. గ్రామ సమీపంలోని చెరువులో పోలీసులు మృతదేహాన్ని గుర్తించారు.

నిన్న బాలిక కనిపించడం లేదని తల్లిదండ్రులు హిందూపురం రూరల్ పోలీసులకు ఫిర్యాదు చేశారు. వెంటనే బృందాలుగా ఏర్పడి గ్రామంలో, చుట్టుపక్కల గాలింపు ప్రారంభించారు.

ఇవాళ ఉదయం చెరువు గాలింపు సందర్భంగా బాలిక మృతదేహాన్ని పోలీసులు గుర్తించారు. మిస్సింగ్ కేసు నమోదు చేసి దర్యాప్తు మొదలుపెట్టారు. మృతికి గల కారణాలు తెలియాల్సి ఉంది.

పోస్ట్మార్టం నివేదిక వచ్చిన తర్వాతే మృతికి కారణాలు స్పష్టమవుతాయని పోలీసులు తెలిపారు. మృతదేహంపై గాయాలున్నాయా అనే విషయం పోస్ట్మార్టం ద్వారా తేలుతుంది.