వారంలో 1 కిలో బరువు తగ్గాలంటే రోజుకు ఎన్ని అడుగులు నడవాలి? – నిపుణుల సూచనలు

శరీర బరువు తగ్గాలనుకునే వారికి నడక ఒక మంచి మార్గం. కానీ వారంలో 1 కిలో కొవ్వు తగ్గడానికి రోజుకు 1,100 క్యాలరీల లోటు అవసరం. 1,000 అడుగులు నడిస్తే సుమారు 40 నుంచి 50 క్యాలరీలు ఖర్చవుతాయి.

ఈ లెక్కన చూస్తే, రోజుకు 22,000 నుంచి 27,500 అడుగులు నడిస్తేనే రోజుకు 1,100 క్యాలరీల లోటు నిండుతుంది. అంటే వారానికి 1.54 లక్షల నుంచి 1.92 లక్షల అడుగులు అవుతాయి. కానీ నిపుణులు ఈ లక్ష్యాన్ని ఆచరణలో సులభం కాదని చెబుతున్నారు.

రోజుకు 22,000కు పైగా అడుగులు నడిస్తే కీళ్లపై ఒత్తిడి పెరగవచ్చు. కండరాల నొప్పులు రావడంతో ఈ అలవాటు ఎక్కువ రోజులు కొనసాగించడం కష్టం. బరువు తగ్గడానికి నడకతోపాటు ఆహార నియంత్రణ కూడా అవసరమని నిపుణులు సూచిస్తున్నారు.

వారు రోజువారీ ఆహారంలో 500 క్యాలరీలు తగ్గిస్తే, రోజుకు 12,000 నుంచి 15,000 అడుగులు నడిచిన మంచి ఫలితాలు కనిపిస్తాయి. అలాగే ఒక్కసారిగా ఎక్కువ దూరం నడవకుండా క్రమంగా అడుగులు పెంచుకోవాలి. వేగంగా నడవడం, ఎత్తైన ప్రదేశాల్లో నడక, రోజుకు మూడు విడతల్లో నడవడం, తగినంత నీరు తాగడం, రోజుకు 7 నుంచి 9 గంటలు నిద్రపోవడం కూడా బరువు తగ్గడంలో సహాయపడతాయి.