రాజంపేటలో విద్యార్థినికి రెండు కిడ్నీలు దెబ్బతిన్నాయి: సహాయం కోసం కుటుంబం విజ్ఞప్తి

రాజంపేట పట్టణం రామనగర్‌కు చెందిన పదాల పల్లవి అనే విద్యార్థిని ఇంటర్ ప్రథమ సంవత్సరం చదువుతోంది. నాలుగు నెలల క్రితం ఆమె ఇంట్లో అకస్మాత్తుగా కిందపడిపోయింది.

ఆమె తల్లిదండ్రులు వెంటనే రాజంపేట ప్రభుత్వ ఆసుపత్రికి తరలించారు. వైద్యులు ప్రాథమిక చికిత్స అనంతరం మెరుగైన చికిత్స కోసం తిరుపతిలోని ఓ ప్రైవేటు ఆసుపత్రికి తీసుకెళ్లాలని సూచించారు. తిరుపతిలో నిర్వహించిన పరీక్షల్లో ఆమె రెండు కిడ్నీలు పూర్తిగా దెబ్బతిన్నాయని వైద్యులు నిర్ధారించారు.

ప్రస్తుతం పల్లవి రాజంపేట ప్రభుత్వ ఆసుపత్రిలో డయాలసిస్ తీసుకుంటోంది. ఆమె కుటుంబం ఆర్థిక స్థోమత లేక తీవ్ర ఆవేదనకు గురవుతోంది. పల్లవి రక్త వర్గం B పాజిటివ్ అని తెలిపిన కుటుంబ సభ్యులు, సహాయం చేయాలని దాతలను, సేవా సంస్థలను కోరుతున్నారు.