విజయవాడ సెంట్రల్‌లో రైతు బజార్లో సబ్సిడీ బియ్యం రూ.52కే

విజయవాడ సెంట్రల్ నియోజకవర్గంలోని రైతు బజార్లలో సబ్సిడీపై కిలో బియ్యం రూ.52కు అందుబాటులోకి వచ్చింది. స్థానిక ఎమ్మెల్యే బొండా ఉమా మహేశ్వరరావు ఈ ప్రత్యేక కౌంటర్లను ప్రారంభించారు.

బహిరంగ మార్కెట్లో కిలో బియ్యం ధర రూ.65-70 ఉండగా, ప్రభుత్వం ఈ సబ్సిడీ ద్వారా ప్రతి కుటుంబానికి 10 కిలోల బియ్యం అందిస్తోంది. ఎమ్మెల్యే మాట్లాడుతూ, రాష్ట్ర ప్రభుత్వం ముఖ్యమంత్రి చంద్రబాబు నాయుడు నాయకత్వంలో ప్రజలకు తక్కువ ధరలో నాణ్యమైన బియ్యం అందించే లక్ష్యంతో ఈ సదుపాయం ఏర్పాటు చేసినట్లు తెలిపారు.

అంతర్జాతీయ పరిస్థితులు, ఎల్ నినో ప్రభావంతో ధాన్యం ధరలు పెరగడంతో ఈ చర్య తీసుకున్నారు. ప్రజలు ఈ అవకాశాన్ని సద్వినియోగం చేసుకోవాలని ఎమ్మెల్యే కోరారు.