హుస్నాబాద్ ఇంజనీరింగ్ కాలేజీకి 36 ఎకరాల స్థలం, ₹44 కోట్లు మంజూరు

హుస్నాబాద్‌లో గత సంవత్సరం సాతా యూనివర్సిటీ ఇంజనీరింగ్ కాలేజ్ (SUCE) ప్రారంభమైంది. మంత్రి పొన్నం ప్రభాకర్ చొరవతో రూరల్ ఏరియాలో ఈ కాలేజీ నెలకొల్పారు.

ఈ కాలేజీలో CSC, CAI, IT, EC అనే నాలుగు కోర్సులు ఉన్నాయి. ప్రతి కోర్సులో 60 సీట్లు ఉండటంతో మొత్తం 300 సీట్లు అందుబాటులో ఉన్నాయి.

మూడు నెలల క్రితం ప్రభుత్వం కాలేజీకి 36 ఎకరాల స్థలం కేటాయించింది. వచ్చే నెల మొదటి వారంలో భవన నిర్మాణానికి ₹44 కోట్లు మంజూరు అవుతాయని అధికారులు తెలిపారు.

హుస్నాబాద్ నుండి హనుమకొండ, సిద్దిపేట, కరీంనగర్ — ఈ మూడు జిల్లాలకు 40 కిలోమీటర్ల దూరంలో ఉండటం వల్ల ఈ కాలేజీ ఒక కేంద్ర బిందువుగా ఉందని నిర్వాహకులు చెప్పారు. ప్రైవేట్ కాలేజీలకు లక్షల రూపాయలు కట్టలేని పేద విద్యార్థులకు ఈ కాలేజీ ఉపయోగపడుతుందని అధికారులు పేర్కొన్నారు.

EAMCET రాసిన విద్యార్థులు హుస్నాబాద్‌లో అడ్మిషన్ తీసుకోవాలని కాలేజీ ప్రతినిధులు కోరారు.