నీళ్ల సమస్యపై LB నగర్ MLA సుధీర్ రెడ్డి నిరసన

హైదరాబాద్‌లో నీటి సరఫరా సమస్యపై LB నగర్ MLA సుధీర్ రెడ్డి ఖైరతాబాద్ జలమండలి కార్యాలయం ముందు నిరసన చేశారు. ఖాళీ బిందెలు పట్టుకుని వచ్చిన ఆయన, జలమండలి అధికారుల తీరును నిరసించారు.

నగరంలో కొన్ని కాలనీల్లో రెండు నెలలుగా సరిగ్గా నీళ్లు రావడం లేదని ఆయన చెప్పారు. ఒకప్పుడు ఒకరోజు వదిలి ఒకరోజు నీళ్లు వచ్చేవని, ఇప్పుడు ఆ విధంగా కూడా రావడం లేదని వివరించారు. వందలాది కాలనీల నుంచి ఫిర్యాదులు వస్తున్నాయని తెలిపారు.

ప్రభుత్వ ట్యాంకర్లు బుక్ చేసినా వాటి రాక ఎప్పుడో తెలియడం లేదని నివాసితులు చెప్తున్నారు. BRS పార్టీ ఆధ్వర్యంలో ఈ నిరసన చేపట్టినట్లు సుధీర్ రెడ్డి పేర్కొన్నారు.

వేడిమి కారణంగా వడదెబ్బ తాకవచ్చని ఆందోళన వ్యక్తం చేసిన పోలీసులు నిరసనకారులను అక్కడి నుంచి వెళ్లిపోమని కోరారు. ఈ విషయంపై GHMC, జలమండలి స్పందన తెలియాల్సి ఉంది.