రామచరణ్ ఆర్సీ 17పై సుకుమార్ మౌనం, అభిమానుల నిరాశ

దర్శకుడు సుకుమార్ రామచరణ్‌తో చేయనున్న RC‌ 17 చిత్రం గురించి ఇటీవల ఓ కార్యక్రమంలో మాట్లాడేందుకు నిరాకరించారు. దీంతో అభిమానులు నిరాశకు గురయ్యారు.

‘రంగస్థలం’ తర్వాత మళ్లీ ఈ హిట్ కాంబో కలిసి రావడం పట్ల అంచనాలు భారీగా ఉన్నాయి. ‘పుష్ప’తో అల్లు అర్జున్‌కు పాన్‌-ఇండియా ఇమేజ్‌ తీసుకొచ్చిన సుకుమార్, RC‌ 17 స్క్రిప్ట్‌ను ఇంకా ఖరారు చేయలేదని సమాచారం.

‘పుష్ప 2’ విడుదలై ఏడాదిన్నర దాటినా రామచరణ్ సినిమా కథ ఫైనల్ కాలేదు. స్క్రిప్ట్ పూర్తికావడానికి మరో నాలుగైదు నెలలు, సినిమా షూటింగ్ ప్రారంభం కావడానికి దసరా తర్వాత సమయం పట్టే అవకాశం ఉందని సోషల్ మీడియాలో చర్చ జరుగుతోంది. సుకుమార్ శైలిలో సినిమా నిర్మాణం రెండేళ్లు పట్టే అవకాశం ఉండటంతో, RC‌ 17 2028 డిసెంబర్‌లో విడుదలయ్యే ఛాన్స్ ఉందని అంచనా. అయితే, చిత్ర నిర్మాణ సంస్థ నుంచి ఎలాంటి అధికారిక ప్రకటన రాలేదు.