సన్ ఇంటర్నేషనల్ ఇన్స్టిట్యూట్‌లో కొత్త Ai & డేటా సైన్స్ కోర్సు; 27 వేల మందికి ఉద్యోగాలు

విశాఖపట్నం, హైదరాబాద్‌లో క్యాంపస్‌లు ఉన్న సన్ ఇంటర్నేషనల్ ఇన్స్టిట్యూట్ ఆఫ్ టూరిజం అండ్ మేనేజ్మెంట్ ఈ విద్యా సంవత్సరం కొత్తగా బిఎస్సి ఆర్టిఫిషియల్ ఇంటెలిజెన్స్ అండ్ డేటా సైన్స్ కోర్సును ప్రవేశపెట్టింది. ఇప్పటివరకు 27,000 మందికి పైగా విద్యార్థులకు దేశ, విదేశాల్లో ఉద్యోగాలు కల్పించినట్టు సంస్థ వ్యవస్థాపకురాలు ఆశా జస్తి తెలిపారు.

2004లో ప్రారంభమైన ఈ సంస్థ 23 ఏళ్ల అనుభవాన్ని కలిగి ఉందని ఆమె పేర్కొన్నారు. హోటల్ మేనేజ్మెంట్‌తో పాటు బీబీఏ, బీఎస్సీ ఫుడ్ సైన్స్ అండ్ న్యూట్రిషన్, ఎంబీఏ, కలినరీ ఆర్ట్స్ వంటి కోర్సులు అందిస్తోంది. పదో తరగతి తర్వాత ఇంటర్‌తో కలిపి డిగ్రీ (ఐదేళ్ల ఇంటిగ్రేటెడ్ ప్రోగ్రామ్) చేయవచ్చు.

చదువుతూనే సంపాదించే విధానంలో భాగంగా హోటల్ మేనేజ్మెంట్ విద్యార్థులకు కోర్సు 4వ నెల నుంచి స్థానిక హోటళ్లలో పార్ట్‌టైం ఉద్యోగాలు, రెండో సంవత్సరం నుంచి అంతర్జాతీయ ఇంటర్న్‌షిప్‌లు కల్పిస్తున్నట్టు ఆశా జస్తి తెలిపారు. అన్ని కోర్సుల విద్యార్థులకు ఐదో సెమిస్టర్లో ఉచిత అంతర్జాతీయ పర్యటన నిర్వహిస్తారు.

ఇంటర్మీడియట్‌లో 90 శాతం పైన మార్కులు పొందిన వారికి ఫీజులో రూ.50,000 నుంచి రూ.1,00,000 వరకు, 80 శాతం పైన ఉన్నవారికి రూ.25,000 నుంచి రూ.50,000 వరకు మెరిట్ స్కాలర్‌షిప్‌లు అందిస్తున్నారు.

విశాఖపట్నంలో ద్వారకానగర్, సాగర్ నగర్ బీచ్ రోడ్డు క్యాంపస్‌లు, హైదరాబాద్‌లో అమీర్‌పేట, మియాపూర్, రామనగర్‌లో క్యాంపస్‌లు ఉన్నాయి. అన్ని క్యాంపస్‌లు ఫైవ్ స్టార్ హోటల్ తరహాలో నిర్మించినట్టు ఆమె చెప్పారు. విద్యార్థులకు హాస్టల్, మెస్, క్యాంటీన్ సౌకర్యం ఉంది. ఆంధ్ర యూనివర్సిటీ, ఉస్మానియా యూనివర్సిటీ అనుబంధంగా కోర్సులు నిర్వహిస్తున్నారు. ప్రతి క్యాంపస్‌లో ఫ్రంట్ ఆఫీస్, హౌస్‌కీపింగ్, సర్వీస్, ప్రొడక్షన్ ల్యాబ్‌లు ఉన్నాయి.