సూర్యుడు మిధున రాశిలో ప్రవేశం: వృశ్చిక రాశి వారికి ఆరోగ్యం, భాగస్వామ్యాల్లో జాగ్రత్తలు

సూర్యుడు జూన్ 15న మిధున రాశిలోకి ప్రవేశించి జూలై 16 వరకు అక్కడే ఉంటాడు. ఈ సూర్య మిధున సంక్రమణం వృశ్చిక రాశి వారికి అష్టమ స్థానంలో సంచరిస్తుంది. ఇది వ్యతిరేక ఫలితాలను కలిగిస్తుందని జ్యోతిష్యులు చెప్తున్నారు.

ఆరోగ్యపరంగా జీర్ణశక్తి మందగిస్తుంది. కడుపు సంబంధిత అనారోగ్యాలు రావచ్చు. కాబట్టి ఆహారంలో పీచు పదార్థాలు ఎక్కువగా తీసుకోవాలి. జీర్ణం కాని పదార్థాలు తినకూడదు. హాస్టల్స్‌లో ఉండే విద్యార్థులు ప్రత్యేక శ్రద్ధ తీసుకోవాలి.

వ్యాపార రంగంలో భాగస్వాములతో విభేదాలు రావచ్చు. కొత్త పెట్టుబడులు ఈ సమయంలో చేయడం మంచిది కాదు. ఇప్పటికే ఉన్న భాగస్వామ్య వ్యాపారాల్లో ఏవైనా వివాదాలు వస్తే ప్రశాంతంగా చర్చించి సర్దుకోవాలి. జూలై 16 తర్వాతే కొత్త ఇన్వెస్ట్‌మెంట్లు పెట్టుకోవాలి.

మానసిక చింత, ఆందోళన కూడా ఉంటాయి. మనసును ప్రశాంతంగా ఉంచుకోవాలి. ప్రయాణాల్లో చిన్నచిన్న ప్రమాదాలు జరిగే అవకాశం ఉంది. బండిపై వెళ్లేటప్పుడు జాగ్రత్తగా ఉండాలి. బైక్ లేదా కార్ రేసులకు దూరంగా ఉండాలి.

ఈ వ్యతిరేక ప్రభావాల నుంచి తప్పించుకోవడానికి ఆదివారం సూర్యుడికి అర్గ్యం ఇవ్వడం, ద్వాదశ ఆదిత్య దీపం వెలిగించడం, గోధుమలు దానం చేయడం, ఉపవాసం ఉండడం వంటి పరిహారాలు చేసుకోవాలని జ్యోతిష్య నిపుణులు సూచిస్తున్నారు. ఆదివారం మాంసాహారం తినకూడదు. సూర్య సంబంధిత మంత్రాలు పఠించడం వల్ల కూడా అనుకూల ఫలితాలు రెట్టింపు అవుతాయని చెప్తున్నారు.