నీట్ పేపర్ లీక్‌పై సుప్రీం కోర్టు కీలక ఆదేశాలు — NTA పై తీవ్ర వ్యాఖ్యలు

నీట్ పరీక్ష పేపర్ లీక్ కేసులో సుప్రీం కోర్టు తీవ్రంగా స్పందించింది. పేపర్ లీక్‌కు కారణమైన వారిని గుర్తించాలని కోర్టు ఆదేశించింది.

లక్షలాది విద్యార్థులు మనోవేదన చెందుతున్నారని, దీనికి బాధ్యులు ఎవరో తేల్చాలని కోర్టు ప్రశ్నించింది. పర్యవేక్షణ కమిటీలు ఉన్నప్పటికీ ఇంత పెద్ద ఉల్లంఘన జరిగిందంటే ప్రక్రియలో లోపాలు ఉన్నట్లేనని పేర్కొంది.

UPSC చాలా పరీక్షలు నిర్వహిస్తుందని, అక్కడ ఎప్పుడూ పేపర్ లీక్ జరగలేదని కోర్టు వ్యాఖ్యానించింది. UPSC ను చూసి నేర్చుకోవాలని NTA కు సూచించింది.

నిపుణుల కమిటీ సలహాలు ఇచ్చినా పరీక్ష విధానం మారలేదని కోర్టు అసంతృప్తి వ్యక్తం చేసింది. కేవలం సంస్కరణలతో పరిస్థితి చక్కబడదని, బాధ్యత ఎవరిది అనే దానిపై స్పష్టత ఉండాలని పేర్కొంది.

ఆరు వారాల్లో అఫిడవిట్ దాఖలు చేయాలని కేంద్ర ప్రభుత్వాన్ని ధర్మాసనం ఆదేశించింది.