NEET రీ ఎగ్జామ్: ఆన్‌లైన్ విధానంలో కాదు, పెన్ పేపర్ మోడ్ లోనే సుప్రీంకోర్టు ఆదేశం

NEET పునఃపరీక్షను ఆన్‌లైన్ లో నిర్వహించాలన్న పిటిషన్‌ను సుప్రీంకోర్టు తిరస్కరించింది. జూన్ 21న నిర్వహించే ఈ పరీక్ష పెన్ పేపర్ విధానంలోనే జరుగుతుందని కోర్టు స్పష్టం చేసింది.

ఇలాంటి పిటిషన్లు ఇప్పటికే తిరస్కరించామని, పరీక్షకు కొద్ది రోజుల ముందు విధానం మార్చడం సాధ్యం కాదని సుప్రీంకోర్టు పేర్కొంది. NEET పేపర్ లీక్ ఘటన తర్వాత రీ ఎగ్జామ్ ఏర్పాటు చేశారు. ఈ నేపథ్యంలో పరీక్షా సంస్థ NTA వ్యవస్థలో సంస్కరణలు చేపట్టాలని పిటిషనర్లు కోరుతున్నారు.

అయితే పునఃపరీక్ష ఆన్‌లైన్‌లో నిర్వహించాలనే డిమాండ్‌ను కోర్టు ఈ దశలో ఆమోదించలేదు. జూన్ 21న నిర్దేశిత కేంద్రాల్లో సంప్రదాయ పెన్ పేపర్ పరీక్షగానే రీ ఎగ్జామ్ జరుగుతుంది.