బక్రీద్ ముందు గోవధ పిటిషన్‌పై సుప్రీం కోర్టు విచారణ నిరాకరణ

బక్రీద్‌కు ఒక రోజు ముందు దాఖలైన గోవధ నిరోధక పిటిషన్‌ను సుప్రీం కోర్టు అత్యవసరంగా విచారించేందుకు నిరాకరించింది.

పండుగకు ఒక రోజు ముందు పిటిషన్ దాఖల్ చేసి మధ్యంతర ఉత్తర్వులు కోరడం సరికాదని కోర్టు వ్యాఖ్యానించింది. "ఈ విషయం పండుగకు ఒక రోజు ముందు మాత్రమే గుర్తుకు వచ్చిందా?" అని న్యాయస్థానం ప్రశ్నించింది. ప్రస్తుత పరిస్థితుల్లో అత్యవసర విచారణకు అవసరం కనిపించడం లేదని తేల్చిచెప్పింది.

ఈ నేపథ్యంలో దేశవ్యాప్తంగా పలు ముస్లిం మత పెద్దలు బక్రీద్ సందర్భంగా గోవధ చేయవద్దని ముస్లింలకు విజ్ఞప్తి చేశారు. కుర్బాని కోసం గొర్రెలు, పొట్టేళ్లను మాత్రమే ఉపయోగించాలని సూచించారు. హిందువుల మనోభావాలను దృష్టిలో పెట్టుకుని గోవధను నిలిపివేయాలని కోరారు.

గోమాతను జాతీయ జంతువుగా ప్రకటించాలని, గోవధ చట్టాలను కఠినంగా అమలు చేయాలని కొందరు ముస్లిం మత నాయకులు కేంద్ర ప్రభుత్వాన్ని డిమాండ్ చేశారు.