సుప్రీంకోర్టు నిర్మాత బండ్ల గణేష్ ఆస్తి వేలాన్ని సమర్థించింది

సినీ నిర్మాత బండ్ల గణేష్ దాఖలు చేసిన పిటిషన్‌ను సుప్రీంకోర్టు తిరస్కరించింది. దీంతో ఆయన జూబిలీ హిల్స్‌లోని భవనం వేలం ప్రక్రియ కొనసాగుతుంది.

పరమేశ్వర పౌల్ట్రీ ఫార్మ్ తీసుకున్న రుణానికి బండ్ల గణేష్, ఆయన కుటుంబ సభ్యులు హామీదారులుగా ఉన్నారు. రుణ చెల్లింపు ఎగవేతతో బ్యాంకు నోటీసులు జారీ చేసింది. తర్వాత జూబిలీ హిల్స్‌లోని భవనాన్ని వేలం వేసింది.

ఈ వేలాన్ని సవాల్ చేస్తూ బండ్ల గణేష్ డీఆర్టీ (DRT) ని ఆశ్రయించగా, ఆయనకు అనుకూలంగా ఉత్తర్వులు వచ్చాయి. అయితే, బ్యాంకు హైకోర్టును ఆశ్రయించగా, హైకోర్టు DRT ఉత్తర్వులను రద్దు చేసింది. దివాల చట్టం ప్రకారం, సంస్థపై moratorium ఉన్నప్పటికీ, హామీదారుల ఆస్తులను వేలం వేయవచ్చని హైకోర్టు స్పష్టం చేసింది.

తాజాగా హైకోర్టు నిర్ణయాన్ని సవాల్ చేస్తూ బండ్ల గణేష్ సుప్రీంకోర్టును ఆశ్రయించారు. వాదనలు విన్న సుప్రీంకోర్టు హైకోర్టు తీర్పును సమర్థించింది. దీంతో బండ్ల గణేష్ ఆస్తిని బ్యాంకు వేలం వేయడానికి అనుమతి లభించింది.