పేదలకు ఉచిత వైద్యం: ఢిల్లీ ప్రైవేట్ ఆసుపత్రులను సుప్రీం కోర్టు హెచ్చరించింది

ప్రభుత్వం నుండి రాయితీ ధరలకు భూములు పొందిన ప్రైవేట్ ఆసుపత్రులు పేదలకు ఉచిత వైద్యం అందించాలని సుప్రీం కోర్టు తీవ్రంగా హెచ్చరించింది.

ఈ నియమం ప్రకారం, అలాంటి ఆసుపత్రులు తమ మొత్తం చికిత్సలో 10% పేదలకు ఉచితంగా అందించాలి. ఇందులో పరీక్షలు, శస్త్రచికిత్సలు, ఆసుపత్రి ఖర్చులు అన్నీ ఉంటాయి. అలాగే 25% OPD సేవలు కూడా పేదలకు ఉచితంగా అందించాలి.

ఢిల్లీలో 51 ప్రైవేట్ ఆసుపత్రులకు నోటీసులు జారీ అయ్యాయి. కానీ వాటిలో కేవలం నాలుగు ఆసుపత్రులు మాత్రమే ఈ నియమాన్ని పాటిస్తున్నాయి. మిగతావి పేద రోగుల నుండి కూడా పూర్తి ధర వసూలు చేస్తున్నాయని కోర్టు గుర్తించింది.

ఈ నియమాన్ని పాటించని ఆసుపత్రులపై కఠినమైన చర్యలు తీసుకుంటామని సుప్రీం కోర్టు స్పష్టం చేసింది.

హైదరాబాద్‌లో కూడా చాలా ప్రైవేట్ ఆసుపత్రులు రాయితీ ధరలకు భూములు పొందాయి. అవి ఈ 10% ఉచిత వైద్యం, 25% OPD నియమాన్ని అమలు చేస్తున్నాయా అనే విషయంపై స్పందన తెలియాల్సి ఉంది.