కళ్యాణదుర్గం ఎమ్మెల్యే సురేంద్రబాబు 7,300 మంది విద్యార్థులకు ఉచిత సైకిళ్లు పంపిణీ

అనంతపురం జిల్లా కళ్యాణదుర్గం నియోజకవర్గంలోని ములకలేడు ప్రభుత్వ ఉన్నత పాఠశాలలో విద్యార్థులకు ఉచిత సైకిళ్లను ఎమ్మెల్యే సురేంద్రబాబు పంపిణీ చేశారు. SRS ట్రస్ట్ ఆధ్వర్యంలో 7,300 మంది విద్యార్థులకు సుమారు రూ.5 కోట్ల విలువైన సైకిళ్లను అందజేశారు.

9, 10 తరగతులతో పాటు ఇంటర్ విద్యార్థులకు కూడా సైకిళ్లు ఇచ్చారు. స్కూల్, కాలేజీలకు రాకపోకల్లో విద్యార్థులు ఇబ్బందులు పడకూడదనే ఉద్దేశంతోనే ఈ సైకిళ్లు అందిస్తున్నట్లు ఎమ్మెల్యే తెలిపారు. తల్లిదండ్రుల సమక్షంలో జరిగిన ఈ కార్యక్రమంలో పెద్ద సంఖ్యలో విద్యార్థులు పాల్గొన్నారు.

కళ్యాణదుర్గం అభివృద్ధికి తాను కట్టుబడి ఉన్నానని, రాబోయే రోజుల్లో బీటీపీ ప్రాజెక్టు పూర్తి చేసి రైతులకు నీటి సౌకర్యం కల్పిస్తామని ఆయన హామీ ఇచ్చారు. విద్యార్థులు చదువులో రాణించాలని, పెద్దల స్ఫూర్తితో సమాజ సేవ చేయాలని పిలుపునిచ్చారు.