సూర్యాపేట: సమ్మర్ హాలిడేస్ తర్వాత ప్రభుత్వ పాఠశాలలో విద్యార్థులకు టీచర్ల ఘన స్వాగతం

సూర్యాపేట జిల్లా గరిడేపల్లి మండలం కాచవారిగూడెంలోని ప్రభుత్వ పాఠశాలలో సమ్మర్ హాలిడేస్ తర్వాత మొదటి రోజు విద్యార్థులను టీచర్లు, సిబ్బంది స్వాగతించారు. పాఠశాలను మామిడి తోరణాలు, పూలతో అలంకరించి సరస్వతీ దేవి పూజ చేశారు.

పాఠశాల ఉపాధ్యాయురాలు శ్రావణి మాట్లాడుతూ, 'ప్రభుత్వ బడిలో ప్రీ ప్రైమరీ, ప్రైమరీ స్థాయి విద్యార్థులకు అన్ని సౌకర్యాలు కల్పిస్తున్నాం. ప్రైవేట్, కార్పొరేట్ స్కూళ్లకు దీటుగా సౌకర్యాలు ఉన్నాయి. ఏడాది కిందట ప్రభుత్వం ప్రారంభించిన ఉదయం అల్పాహారం పథకం కూడా అమలవుతోంది' అని చెప్పారు. గ్రామస్తులు తమ పిల్లలను ప్రభుత్వ పాఠశాలకు పంపాలని ఆమె కోరారు.

తెలంగాణ ప్రభుత్వం ప్రభుత్వ పాఠశాలలో చదివే విద్యార్థులకు ఉచిత పాఠ్యపుస్తకాలు, నోట్‌పుస్తకాలు, యూనిఫాం టైబెల్లు అందిస్తోంది. సీఎం పోషణ పథకం కింద వారానికి మూడు రోజులు రైస్, కిచిడీ, బిర్యానీ వంటి మధ్యాహ్న భోజనం అందిస్తోంది. ప్రభుత్వ బడి అంటే సౌకర్యాలు ఉండవన్న అపోహను వీడాలని తల్లిదండ్రులకు టీచర్లు విజ్ఞప్తి చేశారు.