ఎకరాకు రూ.80,000 లాభం.. తైవాన్ నిమ్మ సాగుతో ఏలూరు రైతుకు సక్సెస్

ఏలూరు జిల్లా కామవరపుకోట మండలం వెంకటాపురం గ్రామానికి చెందిన రైతు వీరమల్లు రాము తైవాన్ నిమ్మ సాగుతో లాభాలు పొందుతున్నారు. సాధారణ నిమ్మ రకాలతో పోలిస్తే తైవాన్ రకంలో చీడపీడలు తక్కువగా ఉండటం, త్వరగా కాపుకు రావడం వల్ల రైతులకు ప్రయోజనకరంగా మారింది.

వీరమల్లు రాము గత ఏడాది తన ఎకరం పొలంలో 300 మొక్కలు నాటారు. ఒక్కో మొక్క రూ.50 చొప్పున రూ.15,000 ఖర్చు అయింది. డ్రిప్ సిస్టమ్ ఏర్పాటుకు మరో రూ.15,000 ఖర్చు చేశారు. మొత్తం పెట్టుబడి రూ.30,000 అయింది. నాటిన ఎనిమిది నెలలకే మొదటి కాపు రావడంతో ప్రస్తుతం రెండో పంట దిగుబడి కోస్తున్నారు.

ఈ రకం నిమ్మలో ముళ్ళు తక్కువగా ఉండటంతో కాయలు కోయడం సులభమని రైతు చెప్పారు. కూలీల ఖర్చులు కూడా తగ్గాయని, సాధారణ రకాల్లో కూలీలకు రూ.300 ఇవ్వాల్సి రాగా, దీనిలో కుటుంబ సభ్యులే కాయలు కోయగలుగుతున్నారని వివరించారు. ఎరువుల పరంగా రెండు బస్తాలు 28-28 వేసి, మామూలు మందులు స్ప్రే చేశారు. ప్రత్యేక ఎరువులు వేయలేదు.

రైతు అంచనా ప్రకారం ఈ ఏడాది ఎకరాకు రూ.30,000 ఆదాయం రాగా, పెట్టుబడి పోను రూ.80,000 లాభం వచ్చే అవకాశం ఉంది. మార్కెట్ రేటును బట్టి రూ.50 నుంచి రూ.100 వరకు లాభం పెరగొచ్చని ఆయన తెలిపారు.

తైవాన్ నిమ్మ రకాన్ని ప్రకృతి క్లోనల్ నర్సరీ తెలుగు రాష్ట్రాలకు పరిచయం చేసింది. తైవాన్ నుండి 300 మొక్కలు దిగుమతి చేసుకున్న రైతు శ్రీనివాసరావు తన పొలంలో ఎనిమిది నెలలకే దిగుబడి పొందాడు. ఆయన రెండు మూడేళ్లుగా క్లోనింగ్ విధానంలో నాణ్యమైన మొక్కలను అభివృద్ధి చేసి రైతులకు సరఫరా చేస్తున్నారు. ఈ రకంలో డై బ్యాక్, నెమ్మటోడ్స్ సమస్యలు లేకపోవడం, మంగ బెడద లేకపోవడం వల్ల ఇది రైతులకు లాభదాయకంగా మారింది.