11 ఏళ్ల బాలిక విజ్ఞప్తితో తమిళనాడు సీఎం చైర్ నుండి తెల్లటి టవల్ తొలగింపు

11 ఏళ్ల వాతావరణ ఉద్యమకారిణి లిసిప్రియా కంగుజం చేసిన ఒక సోషల్ మీడియా పోస్ట్ తమిళనాడు ముఖ్యమంత్రి కార్యాలయంలో మార్పుకు దారితీసింది.

ముఖ్యమంత్రి అధికారిక కుర్చీపై ఉండే తెల్లటి టవల్ బ్రిటిష్ కాలం నాటి వీఐపీ సంస్కృతికి చిహ్నంగా ఉందని, దానిని తొలగించాలని లిసిప్రియా ఎక్స్ వేదికగా విజ్ఞప్తి చేశారు. ఈ పోస్ట్ వైరల్ కావడంతో నేరుగా సీఎం కార్యాలయం దృష్టికి వెళ్లింది.

సీఎం ఆదేశాలతో అధికారులు వెంటనే స్పందించి కుర్చీపై ఉన్న ఆ తెల్లటి టవల్‌ను శాశ్వతంగా తొలగించారు. ఈ నిర్ణయం సామాన్య పౌరుడి అభిప్రాయానికి ప్రభుత్వం ఇచ్చిన గౌరవంగా చర్చనీయాంశమైంది.

లిసిప్రియా ఇటీవల ఎక్స్ పోస్ట్‌లో, తమిళనాడు సీఎం కొత్తగా బాధ్యతలు చేపట్టిన యువ నేత అయినందున ఈ వీఐపీ సంప్రదాయాన్ని ముగించాలని కోరారు. ఈ విజ్ఞప్తి సామాజిక మాధ్యమాల్లో విస్తృతంగా షేర్ అయ్యి ప్రజల మద్దతు లభించింది.